01.12.2022 ж мектебіміздің 9 «А» класс оқушыларының ұйымдастыруымен қазақ халқының біртуар ұлы А.Байтұрсыновтың 150 жыл толуына арналған «Алаштың ардақтысы» атты кластан тыс шара өтті. Ірі ғалым, әдебиет зерттеуші А.Байтұрсыновтың өмірі мен қазақ халқы, елі үшін ерен еңбегі туралы видеоролик көрсетілді. Оқушылар өмірі мен қызмет жолы жайында шағын көрініс қойып, ұлтымыздың ұлы ұстазына арналған өлеңдерін мәнерлеп оқыды. Мектеп кітапханашысы М.Ә. Дәнекерова кітап көрмесін ұйымдастырып, оқушыларды қазақ қоғамында ілім мен білімнің дамуына, ағартушылық үлесін қосқан ақын шығармаларымен таныстырды.
