«№30 қазақ орта мектебі» коммуналдық мемлекеттік мекемесі — Ресми сайт

Ресми сайт

«№30 қазақ орта мектебі» коммуналдық мемлекеттік мекемесі

Нашар көретіндерге арналған нұсқа

Қазақ тілі

Ресми интернет-ресурсқа қош келдіңіз

15 октября, 2026

Мектебімізде оқушылардың зерттеушілік қабілеттерін дамыту, ғылыми ізденіске баулу және шығармашылық белсенділігін арттыру мақсатында республикалық «Зерде» шығармашылық жобалар мен зерттеу жұмыстары конкурсының мектепішілік кезеңі өткізілді. Байқауға бастауыш және орта буын оқушылары әртүрлі бағыттар бойынша өз жобаларын ұсынды. Оқушыларға сәттілік тілейміз.

8 октября, 2026

Өндірістік кеңес✅ Күн тәртібінде төмендегідей мәселелер қаралып,қаулы етті: 1.2025-2026 оқу жылындағы білім сапасының мониторингі 2.2025-2026 оқу жылының ҰБТ қорытындысы 3.ББЖМ дайындық барысы 4.Жалпы білім беретін пәндер бойынша зерттеу жобалары мен олимпиадаға дайындық барысы 5.Нөлдік кесінді қорытындысы 6.Мектепке жаңадан қабылданған білім алушылардың тұрмыстық – материалдық жағдайларын зерделеу нәтижесі 7.«Сыбайлас жемқорлықтың алдын алу мәселелері және білім беру ұйымдарында заңсыз қаражат жинауға жол бермеу» 8.Педагогикалық әдеп нормалары және педагог этикасы 9.Зорлық – зомбылыққа, жәбірлеуге, кибербуллингке ұшыраған немесе оған куә болған кәмелетке толмағандарды ерте анықтау және оларға көмек көрсету 10.Экстремизм мен терроризмнің алдын-алу, лаңкестік әрекетке қарсы қорғалуды ұйымдастыру бойынша жұмыстардың жүргізілуі.

7 октября, 2026

2026 жылғы 8 қазан күні, Ақтөбе жоғары гуманитарлық колледжінде бірлескен жұмысты дамыту және кәсіптік бағыттағы бейіндік сыныптарды ашу мақсатында 11 мектеп директорының қатысуымен «Мектеп – колледж: болашаққа бірге қадам» атты ынтымақтастық орнату жөніндегі маңызды кездесу өтті. Іс-шара барысында колледж директоры Ж. К. Алишева мектеп басшыларына ынтымақтастыққа қолдау білдіріп, білім алушыларға кәсіби бағдар беру, олардың қабілеті мен қызығушылығына сәйкес мамандық таңдауына жағдай жасау бағытындағы бірлескен жұмыстың маңыздылығын атап өтті. Кездесуде мектеп басшылары да сөз сөйлеп, мектеп пен колледж арасындағы өзара байланысты нығайтудың, оқушыларға кәсіптік бағдар берудің және болашақ мамандығын саналы түрде таңдауға бағыттаудың маңыздылығына тоқталды. Сонымен қатар жаңа бастаманың білім алушылардың кәсіби дамуына оң ықпал ететініне сенім білдірді. Меморандум аясында білім алушыларға кәсіптік бағдар беру, мамандық таңдауға бағыттау, мектеп пен колледж арасындағы байланысты нығайту және бірлескен жобаларды жүзеге асыру жоспарлануда.

7 октября, 2026

МЕКТЕП ПРЕЗИДЕНТІ — СУЮНОВА АЙАРУ! 🇰🇿 ✨ Мектебімізде өткен Мектеп Президентін сайлау қорытындысы бойынша 9 «Ә» сынып білім алушысы Суюнова Айару мектеп Президенті болып сайланды. 🗳️ Сайлау барысында Айару 195 дауыс жинап, білім алушылар мен ұстаздардың сеніміне ие болды. 🌟 Суюнова Айаруды Мектеп Президенті болып сайлануымен шын жүректен құттықтаймыз! Жаңа қызметінде Айаруға зор жауапкершілікпен қатар, тың бастамалар, жарқын идеялар, табысты жобалар мен толағай жетістіктер тілейміз! Мектептің өзін-өзі басқару ұйымының жұмысын жандандырып, білім алушылардың ұсыныстары мен бастамаларын жүзеге асыру жолында белсенді көшбасшы болуына тілектеспіз. 💙 Әр қадамы нық, әр бастамасы нәтижелі болсын! 💛 Сенім – үлкен жауапкершілік. Ал жауапкершілік – нағыз көшбасшының белгісі!