Қазақ тілі мен әдебиеті пәні бірлестігі апталығының жабылу салтанаты “Асыл сөзді іздесең, өлең оқы ерінбе!” әдеби-музыкалық шара түрінде өтті. Шараға келген қонақтар күміс көмей әншілердің, қолдарына киелі домбыраларын алып, “Адай” күйін тартқан күйшілердің өнерлерін тамашалады. Апталық барысында өткен түрлі шараларға қатысып, белсенділік танытқан білім алушылар марапатталды. “Тіл мен әдебиет — тәрбиенің қос қанаты” атты ҚТӘ апталығы өз мәресіне жетті.